Esta iniciativa pretende recoller e entregar a Cáritas 2012 xoguetes para os nenos galegos con menos recursos.
O 12 de decembro celebrarase no centro comercial un taller de ‘packaging’ e para participar nel haberá que achegar un xoguete.
O Centro Comercial As Cancelas colabora na campaña Fai a súa vida un pouco máis doce, promovida polo Consello Regulador Mel de Galicia. Trátase dunha iniciativa solidaria coa que se pretende obter 2012 xoguetes e facer así o Nadal dos nenos galegos con menos recursos un pouco máis feliz e “doce”.
O Consello Regulador Mel de Galicia está xa a recibir na súa sede (Pazo de Quián s/n, Sergude. 15881. Boqueixón, A Coruña) todos aqueles xoguetes novos de carácter non bélico que a xente queira achegar, para posteriormente entregalos a Cáritas Galicia. Como parte desta campaña, o día 12 de decembro (“doce do doce do dousmil doce”) celebrarase en As Cancelas un taller de packaging profesional aberto a todos os públicos e no que se ensinará a envolver regalos con imaxinación e creatividade. Para participar haberá que reservar praza a través do correo electrónico ourodoce@mieldegalicia.org e aportar un xoguete. Ao final do taller terá lugar o acto de entrega a Cáritas Galicia de todos os xoguetes obtidos.