Este sábado 10 de xaneiro un novo restaurante, Hebe Kebap, sumouse á oferta de restauración de As Cancelas. Os amantes da gastronomía turca xa poden gozar das súas delicias na segunda planta.
Tras o importante incremento de locais deste tipo no noso país e a influencia que estes exerceron nos nosos costumes durante os últimos anos, non podía faltar un lugar así no noso centro comercial. A cociña turca, que forma parte da dieta mediterránea, caracterízase polo uso de verduras e aceite de oliva como ingredientes principais na elaboración dos seus pratos.
En Hebe Kebap os comensais poderán gozar das características da cociña do Oriente medio e a balcánica, cunha exquisita presentación onde predominan as especias naturais e as saborosas salsas. Se algo non se pode negar da gastronomía turca é a diversidade de ingredientes que empregan para elaborar os seus pratos, proporcionándolles un elevado equilibrio nutricional.