Remata o Entroido en As Cancelas

19 de febreiro de 2015

Onte 18 de febreiro foi a última xornada do Entroido no Centro Comercial As Cancelas. Foron seis días de intensa actividade.

Dende o venres 13 de febreiro e ata o mércores 18 de febreiro puidemos desfrutar dun intenso Entroido en As Cancelas. O venres 13 tivemos espectáculo inchable para os máis cativos. O sábado 14 desfrutamos de dúas charangas: a charanga de TNT, pola mañá, e a charanga "O Santiaguiño", pola tarde. O domingo 15 chegou o Festival de Baile de Entroido e un novo espectáculo inchable. Xa o luns 16 de febreiro tivemos a oportunidade de desfrutar, sobre todo por parte dos máis pequenos, du obradoiro de caretas e dun concurso de disfraces. O martes 17 foi a hora do obradoiro de marionetas de man e o show infantil con Magic Edu. Finalmente, para rematar, onte 18 de febreiro, última xornada de Entroido en As Cancelas, tivemos un obradoiro de antifaces venecianos e o show infantil de Clown Nono.

A continuación, amósanse algunhas das fotos máis destacadas do show deste artista. Nesta actividade, dirixida con carácter especial cara aos máis cativos, todos os rapaces e todas as rapazas presentes puideron desfrutar do seu espectáculo de maxia.

As Cancelas - Clown Nono

As Cancelas - Clown Nono

Aínda que xa rematou o Entroido, o Mes da Cultura Urbana continúa en As Cancelas coas promocións das nosas tendas ata o 28 de febreiro e coa exposición de graffiti dos gañadores do concurso Xuventude Crea, composta por varias obras de destacados artistas do graffiti de toda Galicia.

E non esquezas que durante o mes de marzo teremos novas actividades e exposicións das que iremos informando este día e nos vindeiros.

Esperámoste.