Ao evento celebrado no Día Internacional do Libro, que foi todo un éxito, asistiron Valentín García, Secretario Xeral de Política Lingüística; María Antón, Concelleira de Cultura; Pere Tobaruela, autor do libro; o ilustrador Andrés Meixide; Abraham Cano, Xerente do Centro Comercial; e Sandra Fernández, Adxunta a Xerencia.
As Cancelas ten programadas diversas visitas a colexios de Santiago nas que se regalarán libros aos alumnos para acadar a máxima difusión. Trátase dunha iniciativa que xorde no Club de Celi e que manifesta o compromiso do centro comercial co fomento do idioma de Galicia e a lectura entre os máis pequenos.
O Club de Celi, un espazo gratuíto no que se engloban todas as actividades infantís que o centro organiza durante todo o ano, ven de sumar recentemente a cifra de 7.000 socios, o que supuxo o empurrón definitivo para poñer en marcha o proxecto.