Cinco carros da compra valorados en 100 euros cada un, catro magníficos regalos tecnolóxicos (un televisor LED, unha consola Wii, unha cámara de fotos dixital e unha tablet) e a posibilidade de obter a devolución do importe dunha compra de ata 300 euros realizada o mes pasado. Estes son os grandes atractivos do segundo sorteo mensual dos Supermartes, que terá lugar hoxe, 6 de agosto, ás 20 horas no Punto de Información do centro comercial As Cancelas.
Para participar é preciso ter realizado unha compra por valor de dez euros ou máis nalgún dos martes do pasado mes de xullo, ter entregado o tíquet correspondente e estar presente no acto do sorteo.
Para animar a tarde e quecer o ambiente, ás 19 horas comezará unha actuación do Pallaso Popín, que tamén fará de condutor do sorteo.